Қазіргі уақытта Қарағанды облысының аумағындағы су тасқыны жағдайы тұрақты.
Су қоймаларынан төгінділер қауіпсіз көлемге дейін төмендетілді, – деп хабарлайды Polisia.kz.
Соңғы апта ішінде облыс өзендері бойынша су деңгейінің төмендеуінің тұрақты динамикасы байқалады. Өзендердегі су деңгейі норма шегінде.
Дер кезінде қабылданған алдын алу шаралары елді мекендерді су басу мен автожолдарда төгілуге жол бермеуге мүмкіндік берді.
Қарағанды облысында 2020 жылғы су тасқыны кезеңіне дайындық «2017-2020 жылдарға арналған су тасқыны қатерінің алдын алу және жою бойынша шаралар кешені» Жол картасын және облыстық инженерлік жұмыстар жоспарын іске асыру шеңберінде өтті.
Облыс бойынша 47 км қорғаныс бөгеттері мен дуалдары салынды және нығайтылды, 30,2 км су бұру арналарының құрылысы мен жөнделуі жүргізілді, 35,3 км дренаждық және су бұру жүйелері нығайтылды және тазартылды. Автомобиль жолдарының 39 учаскесінде су өткізу қабілеті артты.
2015-2019 жылдар аралығында облыста 190 км астам қорғаныс дуалдары тұрғызылып, нығайтылды, 140 елді мекен аумағында өзен арналарының 62 км-де инженерлік іс-шаралар орындалды.
2019 жылы гидротехникалық құрылыстарды жөндеу жұмыстары жүргізілді.
Ағымдағы жылы қаңтар айынан бастап негізгі су қоймаларынан суды ағызу бойынша алдын ала ұйымдастырылған жұмыс өзен арнасын жууға, олардың жоғарғы беткейіндегі деңгейін төмендетуге, сондай-ақ су қоймаларын су тасқыны суларын қабылдау үшін қажетті көлем қорын ең жоғарғы режимге құруға мүмкіндік берді.
Жергілікті атқарушы органдармен қажетті қаржы және материалдық-техникалық қаражат дайындалды.
Облыс ТЖ департаментінің мобильді топтары тасқынға бейім 174 елді мекенде 215 рейд жүргізді. Алдын алу рейдтері барысында тұрғындарға 24,5 мың жадынама таратылды.
Аумақты абаттандыру ережелерін бұзғаны үшін 517 жеке тұлға әкімшілік жауапкершілікке тартылды.
Халықты алдын алу және алдын ала ақпараттандыру мақсатында бұқаралық ақпарат құралдары және әлеуметтік желілер арқылы ақпараттық-түсіндіру жұмыстары белсенді жүргізілді.
Су тасқыны кезеңінің белсенді кезеңі басталғанға дейін елді мекендерден 2 млн.855 мың текше метр қар шығарылды.
Автомобиль және темір жолдарда су өткізу құрылыстарын тазалау бойынша іс-шаралар өткізілді. Барлығы автомобиль жолдарында 4871 су өткізу құрылыстары, теміржол жолдарында 602 және 258 көпір тазартылды.
21,8 км су бұру арналары орнатылды, ұзындығы 124,1 км 113 арна, ұзындығы 87,5 км 302 арық тазартылды.
Мұз кептелісінің алдын алу және суды бөгетсіз өткізу мақсатында өзендердің 18 күрделі учаскелерінде жарылыс жұмыстары жүргізілді. Қарқаралы, Бұқар жырау, Осакаров, Нұра аудандарында Нұра, Жарлы, Сабырқожа, Қарғалы, Құланөтпес, Жаманқожа өзендерінде, сондай-ақ Қарасор көлінде мұз жару іс-шаралары өткізілді.
14 сәуірде су тасқынына қарсы штаб өз жұмысын аяқтады.
Ағымдағы жылдың жазғы-күзгі кезеңінде Нұра және Шерубай-Нұра өзендерінің арналарын санациялау бойынша іс-шаралар жоспарланған.
