Қарағанды облысында 258 автобус жүргізушісі жауапқа тартылды, – деп хабарлайды Polisia.kz.
Қарағанды облысында «Автобус» жедел-профилактикалық іс-шарасының екі күні ішінде полицейлер жолаушы тасымалдаушы көлігінің жүргізушілері арасында 258 жол қозғалысы ережесін бұзу фактісін анықтап, жолын кесті.
Осылайша маневр жасау – 64, көлік құралын басқару кезінде телефонды пайдалану ережелерін бұзғаны үшін – 33 тұлға, мемлекеттік немесе міндетті техникалық байқаудан өтпеген көлік құралын басқарған – 14 тұлға, көлік құралын басқару кезінде жолаушыларды және жүктерді тасымалдау ережесін бұзғаны үшін –7 тұлға әкімшілік жауапкершілікке тартылды.
Сонымен қатар бір көлік айыппұл тұрағына қойылып, автобус парктерінің үш лауазымды тұлғасы жауапкершілікке тартылды.
