Қарағанды облысында жас жігіттен марихуана табылды, – деп хабарлайды Polisia.kz.
Қарағанды облысы Шахтинск қаласының патрульдік полиция қызметкерлері “Учаске” жедел алдын алу іс-шаралары кезінде 21 жастағы жігітті ұстады.
Тексеру кезінде тәртіп сақшылары ұсталған азаматтан есірткі затын тәркіледі. Сот-сараптамалық зерттеу нәтижесіне сәйкес тәркіленген заттың салмағы 0,9 грамм кептірілген марихуана екені белгілі болды.
Аталған дерек бойынша қылмыстық іс қозғалып, тергеу жүргізіліп жатыр.
