Қарағанды облысында жұмысшылар көрші кәсіпорыннан құны 4 млн теңге болатын қосалқы бөлшектерді ұрлап кетті, – деп хабарлайды Polisia.kz.
Қарағанды облысы Шет ауданының полиция бөліміне құрылыс кәсіпорындарының бірінің басшылығы жүгінді. Түнде белгісіз адамдар өнеркәсіптік аумаққа кіріп, қосалқы бөлшектер мен өндірістік жабдықтарды ұрлап кеткені белгілі болды. Келтірілген шығын 4 млн теңгені құрады.
Жедел-іздестіру іс-шаралары барысында жедел-тергеу тобының қызметкерлері күдіктілерді – 28 және 40 жас аралығындағы үш ер адамды анықтап, ұстады. Олардың барлығы Шығыс Қазақстан облысының тұрғындары болып шықты.
Қаскөйлер көршілес орналасқан ЖШС-да вахталық әдіспен жұмыс істегені белгілі болды. Сондықтан олар құрылысшылардың қолына не алуға болатынын білді. Күдіктілер тұрақты тұратын жерлеріне кетуге мәжбүр болғандықтан, өздерін жазадан құтыламыз деп есептеген. Заттай дәлелдемелер тәркіленді.
ҚР ҚК-нің 188-бабы (Ұрлық) бойынша сотқа дейінгі тергеу жүргізіліп жатыр.
