Қарағанды полицейлері Алматы облысында синтетикалық өнімдерді сатпақ болған адамды ұстады, – деп хабарлайды Polisia.kz.
Қазақстан Республикасы Қылмыстық кодексінің 297-бабы бойынша (Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу) қозғалған қылмыстық іс бойынша жедел-іздестіру іс-шараларының барысында Қарағанды қаласы ПБ Есірткі қылмысына қарсы күрес басқармасының қызметкерлері 25 жастағы ер адамды анықтады. Ол синтетикалық есірткі сатты деген күдікке ілінді.
3 наурызда қарағандылық полицейлер жоспарлы операция барысында Алматы облысында есірткі сатқан адамды ұстады. Олар елді мекендердің бірінің аумағынан күдікті үш жерге отырғызып кеткен 20 келіге жуық қоңыр түсті зат тауып, тәркілеген. Тиісті сараптамалар тағайындалды. Қазіргі уақытта тергеу амалдары жүргізілуде.
