Қарағандыда үкiметтiк емес ұйымдар полицияның тығыз ынтымақтастық туралы ұсынысын қабылдады, – деп хабарлайды Polisia.kz.
Қарағанды облысы Полиция департаментінде ПД бастығының міндетін атқарушы Құрманғали Ысмағұловтың төрағалық етуімен, үкіметтік емес ұйымдардың өкілдерімен полиция қызметінің сервистік моделі аясында өзара іс-қимыл мәселелері бойынша онлайн-дөңгелек үстел өткізілді.
– Облыстық ПД қылмыстық құқық бұзушылықтың, тұрмыстық зорлық-зомбылықтың алдын алу бойынша 18 үкіметтік емес ұйыммен тығыз байланыста. Биылдың өзінде дағдарыс орталықтарынан 218 адам өтіп, қолайсыз отбасыларға 500 бірлескен рейд жүргізіліп, 58 семинар-конференция ұйымдастырылды. Біз ҮЕҰ-дың құқық қорғау саласындағы мемлекеттік саясаттың тиімді құралы екеніне көз жеткіздік. Қарағанды облысы республикада бірінші болып полиция қызметінің үлгісінің пилоттық жобасын жүзеге асырды. Облыс әкімдігінің жанынан Қоғамдық қауіпсіздікті қамтамасыз ету жөніндегі ведомствоаралық топ жұмыс істейді. Бұл процеске көптеген азаматтық қоғам ұйымдары қатысады. Сіздерді ведомствоаралық топтың жұмысына қатысуға шақырамыз, – деді Қ.Ысмағұлов.
Шараға қатысушылар – «Менің үйім», «Жақсылық әлемі», «Үміт» қоғамдық бірлестіктерінің өкілдері облыс ПД-нің ұсынысын қолдады. Олар мемлекеттік құрылымдар мен жұртшылықты біріктіргенде ғана орын алған мәселелер мен мәселелер шешімін табатынына сенім білдірді.
