Қарағанды қаласының ПБ-да Конституция күні жас қызметкерлер ант қабылдады, сонымен қатар балалар байқауының жеңімпаздары анықталды, – деп хабарлайды Polisia.kz.
Конституция күні Қарағанды қаласының ПБ-да екі салтанатты іс-шара өтті. 21 қызметкер ант қабылдап, сонымен қатар балалар сайысының жеңімпаздары анықталды. Салтанатты жиын Қарағанды қаласының ПБ-ның гарнизонын саптық байқау кезінде өтті.
– Назар аударарлық жайт, сіз Конституция күнінде ант беріп, қазақстандық полиция қатарына қосылдыңыз. Бұдан былай сіздер толыққанды қызметкерлерсіз, билік өкілісіз. Жаңа толықтырудың міндеті – ақсақалдардың дәстүрін лайықты түрде жалғастыру, қызметтік міндеттерін орындаудың үлгісі болу. Менің ойымша, сіз бұл күнді есте сақтайсыз, – деп айтты Қарағанды қаласының ПБ басшысының орынбасары Шахназар Салин.
– Халқыңызға, отбасыңызға және заңға адал қызмет етіңіз, – деп Ішкі істер басқармасы мен Қарағанды облысы ардагерлер кеңесінің төрағасы Жұман Нұрпейісов жас қызметкерлерге ақ жол тіледі.
Қорытындылай келе, Қарағанды қаласының ПБ-ның жеке құрамы саптық шеруге шығып,сән-салтанатымен жүріп өтті.
Содан кейін тақырыбы еліміздің басты заңы болған балалар байқауының жеңімпаздары аталды. Оны мектеп оқушылары арасында Қарағанды қаласының ПБ қызметкерлері жүргізді. Байқау үш номинация сурет салу, поэзия және вокал бойынша өтті. Үздік бейнелеу өнерімен тоғыз жасар Тілеужан Інжу бас бәйгені алса, 10 жасар Еркебұлан Шадияр ең шебер поэзия оқырманы атанды, ал 16 жасар Қабылкеш Айым ән орындаумен көрермендерді тәнті етті.
Байқаудың барлық жеңімпаздары сертификаттармен және бағалы сыйлықтармен марапатталды.
