Қарағандыда есірткі таратқан күдікті ұсталды, - деп хабарлайды Polisia.kz.
Қарағанды облысында полиция департаментінің есірткі қылмысына қарсы іс-қимыл басқармасы жедел-профилактикалық іс-шара барысында 17 жастағы жергілікті тұрғынды ұстады. Ол синтетикалық есірткі заттарын таратты деген күдікке ілінді.
Жасөспірімді тінту кезінде iPhone 14 және оның қылмыстық әрекетке қатысын дәлелдейтін хат алмасулары бар iPhone 11 смартфондары тәркіленді. Сондай-ақ қара оқшаулағышқа оралған, жалпы салмағы 15 грамнан асатын, бежевый түсті заты бар 20 орама табылды. Сараптама қорытындысына сәйкес, бұл заттың А-PVP синтетикалық есірткісі екені анықталды.
Ұсталған азамат кінәсін мойындап, шамамен бір жарым ай бұрын курьер-салушы ретінде жұмыс істей бастағанын айтты. Осы уақыт ішінде ол Қарағанды маңындағы жасырын қоймалардан есірткіні сегіз мәрте алып, Абай, Шахтинск және Қарағанды қалаларында таратқанын жеткізді.
Қазіргі уақытта тергеу амалдары жалғасуда. Полицейлер қылмыстық схеманың өзге қатысушыларын анықтап, есірткі желісін әшкерелеу бойынша кешенді шаралар жүргізіп жатыр.
Бұл дерек – өңірде нашақорлықпен күрестің күшейгенін және есірткінің заңсыз айналымының жолын кесудегі полиция жұмысының нәтижелілігін көрсетеді.
