Қарағанды қаласы ПБ-да ішкі істер органдарын цифрландыру саласында қолдануға арналған отандық компаниялардың инновациялық технологиялары мен перспективалық әзірлемелерінің тұсаукесері өтті, – деп хабарлайды Polisia.kz.
Бұл жиынға Қарағанды облыстық полиция департаментінің бастығы Санжар Адилов, Қарағанды облысы бойынша ҚАЖД бастығы Бекболат Шакиров, Қарағанды облысы Ақпараттандыру, мемлекеттік қызмет көрсету және мұрағат басқармасының бастығы Константин Ильницкий, Қарағанды облысы әкімдігінің өнеркәсіптерді цифрландыру басқармасының басшысы Павел Ортнер, сондай-ақ 14 компанияның өкілдері қатысты.
Осылайша, «AskoMet» ЖШС техникалық директоры Евгений Животов өзінің компаниясы 20 жылдан астам ақпараттық технологиялар саласындағы заманауи трендтерге ден қойғанын еске салды. Компанияның негізгі мамандануы – интеграцияланған бейнебақылау қызметтері саласындағы озық технологияларды пайдалана отырып, қауіпсіздік саласындағы жобаларды жүзеге асыру және өзіндік шешімдерді әзірлеу. Бүгінгі күні компанияның Қарағанды облысының құқық қорғау органдарымен бейнебақылау жүйелерін құру және тиімді пайдалану, қолданыстағы қауіпсіздік жүйелерін бірыңғай мониторинг орталығымен біріктіру және жабық байланыс арналары арқылы бейне сигналдарды тарату бойынша жұмыс істеуде үлкен тәжірибесі бар екендігі айтылды.
– Қазіргі уақытта ғылыми-өндірістік бірлестік облыста жаяу жүргіншімен соқтығысудың алдын алуға оң әсерін тигізетін жаңа «Аргус-Педестриан» аппараттық-бағдарламалық кешенін енгізуді ұсынып отыр. Бұл компаниямен жұмыс істеуде тәжірибеміз бар. Ішкі істер министрінің тапсырмасы бойынша өңірімізде «Қорғау» жүйесі енгізілді. Бұл мобильді қосымшаны «NPO Perspektiva» ЖШС әзірлеген. Жұмыс принципі – ішкі істер органдарының әртүрлі жазбаларында көрсетілетін мемлекеттік нөмірлер туралы мәліметтерді бұзушылықтарды тіркеу камералары арқылы өткен кезде және оны полиция қызметкерлерінің мобильді планшеттеріне одан әрі қабылдау. Жыл басынан бергі бес айда мұндай кешендер 35 мыңнан астам заң бұзушылықты тіркеп, 296 миллион теңгеден 271 миллион теңге өндірді, – дейді облыстың ПД әкімшілік полиция басқармасының басшысы Бағдат Кәкімов.
«Азия-Телеком» ЖШС техникалық директоры Евгений Животов – облыс филиалының телефониясын жаңғырту, облыс филиалының базасында өзіндік бейнежелісін құру және дамыту технологияларын ұсынды. Басқа да техникалық және бағдарламалық шешімдер талқыланды.
