Қарағандыда қоқыс жәшіктерінің қақпақтарын ұрлаған адам ұсталды, – деп хабарлайды Polisia.kz.
25 желтоқсанда сағат 01.40 шамасында Қарағанды қаласының ПБ патрульдік полиция полкінің қызметкерлері ауыр заткөтеріп бара жатқан адамды байқаған. Қызметтік көлікті көріп, жүкті лақтырып, қашуға әрекеттенген. Полиция қызметкерлері жедел қимылдап күдікті адамды ұстады.
27 жастағы қала тұрғыны жеке тұрғын үйдің жанында орналасқан қоқыс жәшігінің темір қақпағын ұрлағанын мойындады. Келтірілген шығын көлемі 8 мың теңгені құрады. Мән-жайды анықтау үшін ұсталған азамат Қарағанды қаласының ПБ Жаңа-Майқұдық бөліміне жеткізілді.
Сотқа дейінгі тергеу барысында ұсталған азамат осыған ұқсас үш қылмысқа қатысы барын мойындады. Ол ұрланған заттарды металл қабылдау пунктіне тапсырғанын түсіндірді.
