Қарағандыда жарты жыл іздеуде болған алаяқ ұсталды, – деп хабарлайды Polisia.kz.
14 қаңтарда 43 жастағы қала тұрғыны Қарағанды қаласының ПБ-ның Оңтүстік-шығыс полиция бөліміне жүгінді. Ол жарнама арқылы көлік сатып алмақшы болған. Көлікті көрсеткен сатушымен кездескен. Көлік сатушы алушыға көлік құралын жақын арада беруге уәде бере отырып, тиісті құжаттарды рәсімдеу қажет деп ескерткен. Жәбірленуші алаяққа екі миллион 700 мың теңге аударған. Ақшаны алып алған алаяқ еш хабарсыз кетті. Аталған факті бойынша ҚР Қылмыстық кодексінің 190-бабы (Алаяқтық) бойынша қылмыстық іс қозғалды.
Полиция алаяқтың жеке басын тез анықтады – ол 27 жастағы Қарағанды қаласының тұрғыны болып шықты, ол бұрын мүліктік қылмыстар жасады деген күдікпен құқық қорғау органдарының назарына түскен. Жарты жыл бойы жауапкершіліктен құтылуға тырысып, полиция оның тұрған жерін тапқанша жасырынған.
11 маусымда жедел-іздестіру шаралары барысында криминалдық полиция қызметкерлері күдіктіні ұстады. Ол кінәсін мойындады. Қазіргі уақытта тергеу амалдары жүргізіліп жатыр. Күдікті уақытша ұстау изоляторына орналастырылды.
