Қарағандылық полицейлер көліктен бағалы зат ұрламақ болған ер адамды ұстады, – деп хабарлайды Polisia.kz.
8 қаңтар күні Қарағанды қалалық Полиция басқармасына қарасты Михайлов полиция бөлімінің қызметкерлері мүліктік қылмыстардың алдын алу бойынша жедел алдын алу іс-шарасын өткізді. Сағат түнгі 03.00 шамасында полиция қызметкерлері аумақтағы көпқабатты үйлердің бірінің маңында тұрған автокөлікті айналшықтап жүрген азаматты байқаған. Полиция жасағын көрген азамат бірден қаша жөнелген.
Полиция қызметкерлерімен 25 жастағы азаматтың автокөліктен бағалы зат ұрламақ болғаны анықталды.
Аталған факт бойынша Қазақстан Республикасы Қылмыстық кодексінің 24-188-бабына сәйкес қылмыстық іс қозғалды. Полиция қызметкерлерімен күдікті ұрлық жасамақшы болған автокөліктің иесі анықталуда.
