Қарағандылық полицейлер отбасылық мәселелерді талқылады, – деп хабарлайды Polisia.kz.
Қарағанды облысының ПД-нің ювеналды полиция қызметкерлері ауыл-аймақтан келген балалардың құқықтарын қорғау және отбасын қолдау саласында қызмет ететін мамандарға оқыту семинарын ұйымдастырды. Оның мақсаты – әйелдердің жағдайын нақты жақсарту, өмір сүру сапасын жақсарту және тең мүмкіндіктер туғызу, отбасы мен некені сақтап қалу. Іс-шараның спикерлері –ПД ЖПҚБ-ның аймақтық әйелдерді зорлық-зомбылықтан қорғау тобының аға инспекторы Гүлбану Сәтбаева-Алпысбаева және инспектор Жанар Әбілмәжінова. Шараға «Қайса» қоғамдық қорының заңгері Сәуле Әубәкірова мен тәуелсіз психолог Ажар Әбутаева да қатысты.
Семинарға барлығы 150-ден астам әлеуметтік психологтар, ата-аналар қауымының өкілдері, аудан әкімдіктерінің қызметкерлері қатысты.
Қатысушылар отбасылық мәселелердің ерте алдын алу бойынша жұмысты ұйымдастыру және бүкіл отбасы мен балаларға профилактикалық қызметті дамыту, сондай-ақ отбасының барлық мүшелерін зорлық-зомбылықтан қорғау тетіктерін қарастырды.
Физикалық және психологиялық зорлық-зомбылық пен қанаудың кез келген түрін қамтып, отбасы мен балалық шақ инфрақұрылымын дамытуға, лайықты өмір сүру сапасын қамтамасыз ету мақсатында баламен және оның отбасымен жеке негізде әлеуметтік жұмыс жүргізуге бағытталған әлеуметтік қызметтердің көлеміне назар аударылды.
