СҚО полицейлері жүлдеге ие болып, әлем чемпионатына дайындалуда, - деп хабарлайды Polisia.kz.
Солтүстік Қазақстан облысының полиция капитаны Нұрсұлтан Жақыпов 91 келі салмақ дәрежесінде өнер көрсетіп, Семей қаласында өткен кикбоксингтен іріктеу жарыстарында тамаша нәтижеге қол жеткізді. Нұрсұлтан үш жекпе-жек өткізіп, финалды мерзімінен бұрын аяқтап, қарсыласын жеңді. Енді СҚО-ның погон таққан спортшысы қараша айында Біріккен Араб Әмірліктерінің Дубай қаласында өтетін әлем чемпионатында ел намысын қорғайды.
СҚО полиция департаментінің қоржынына тағы бір жетістік әкелген полиция капитаны — Дарина Билденова. Ол ҚР чемпионатында тапаншадан практикалық ату сайысына қатысты. Жарысқа еліміздің түкпір-түкпірінен 105 спортшы, оның ішінде 8 қыз қатысты. Дарина "Open Lady" санатында өнер көрсетіп, қола жүлдені иеленді.
Полицейлердің спорттағы табыстары салауатты өмір салтын ұстануға және қоғамға адал қызмет ету үшін шынығып жүруге ынталандырады.
