Түркістан облысының полицейлері Қазақстан полициясы күнін атап өтті, – деп хабарлайды Polisia.kz.
Қазақстан полициясы күнінде Мақтаарал АПБ жеке құрамы мерекелік іс шара өткізді. Осы іс шараға полиция қызметкерлерінің төл мерекесімен аудан әкімі Бақыт Асанов және мәслихат хатшысы Қадыр Сәрсекбаев полиция қызметкерлеріне атқарған қызметтеріне ризашылықтарын білдіріп, алғыс хаттармен марапаттады.
Ардагерді қазынасына теңеген қазақ әрқашанда үлкенге қарап бой түзеп, алдыңғы буынға ілтипат көрсетіп жүреді. Үлкенін құрметтеген елдің еңсесі биік, керегесі кең. Сол саналы салттан алыстамау мақсатында бөлім басшылығы еңбегі еленіп құрметті демалысқа шыққан ардагер полицейлерді шақырып, төл мерекелерімен құттықтады.
Жоспарланған іс-шараға сәйкес, Мақтаарал ауданының полиция бөлімі қызметкерлері арасында кіші футболдан ережеге сәйкес жарыс өткізілді.
Жарыс полиция қызметкерлерінің имиджін көтеру, ардагер полиция қызметкерлеріне құрмет көрсету, жеке құрам қызметкерлері арасында дене шынықтыру және спортты жандандыру, бөлімінің жас маман қызметкерлеріне үлгі өнеге көрсету мақсатында өткізілді.
Сонымен қатар шара аясында Қазақстан Республикасының Ішкі істер органында қызмет атқару барысында қылмыскердің қолынан қаза болған полиция сержанты Нариман Абдрахмановтың жұбайының жұмыс орнына барып, мерекемен құттықтап, гүл шоқтары мен бағалы сыйлықтар табыстады.
Сондай-ақ Отырар АПБ-ның жеке құрам қызметкерлері де Отырар ауданының әкімі Әбдіғали Жүнісов, аудандық мәслихат хатшысы Мырзахан Манапов, Ардагерлер кеңесінің төрағасы Жұмахан Әбдіқадыровтың қатысуында мерекелік іс-шараны атап өтті. Отырар ауданының әкімі Әбдіғали Жүнісов полиция қызметкерлерін кәсіби мерекелерімен құттықтап, алдағы атқаратын қызметтеріне сәттілік тіледі. Отырар АПБ-ның 6 қызметкері аудан әкімінің алғыс хатымен, 10 қызметкер аудан мәслихат хатшысымен, Отырар АПБ-ның бастығымен 19 қызметкер марапатталды. Сонымен қатар полиция қызметкерлеріне арналған концерттік бағдарлама қойылды.
