Қазақстанда жыл басынан бері 9,5 мың интернет-алаяқтық анықталды, – деп хабарлайды Polisia.kz
Соңғы жеті жылда интернет-алаяқтықты тіркеудің өсу үрдісі көбейгені байқалады. Мұндай қылмыстардың өсуінің негізгі шыңы 2020 жылы 14 мың болса, 2021 жылдарға 21 мың болған. Жыл басынан бері 9,5 мың жағдай тіркелген.
Бұл жерде банктік қызметтерді цифрлық форматта кеңейтуді атап өту қажет, Бұл – онлайн-қарыздарды рәсімдеу, электрондық аударымдарды жүзеге асыру мүмкіндігі. Қазір телефондағы әрбір азаматтың екінші деңгейлі банктердің мобильді қосымшалары бар.
Интернет-алаяқтықтың кең таралған тәсілдері: интернет-хабарландырулар бойынша тауар немесе қызмет үшін алдын ала төлем не толық төлем алу; пластик карталардың шоттарынан ақша ұрлау; түрлі жобаларға, ойындарға, инвестицияларға, ставкаларға және тағы басқа да жайттарға ақша салу; азаматтардың жеке деректерін иеленуге арналған фишингтік сілтемелерді пайдалану.
Айта кету керек, 2 мыңға жуық жағдайда қылмыскерлер өздерін банктердің немесе Құқық қорғау органдарының қауіпсіздік қызметкерлері болып таныстырған және азаматтардың шоттарындағы күдікті операциялар туралы хабарлады.
Көпшілік азаматтардың сенімдері бойынша ақшаны алаяқтар көрсеткен шоттарға өздері аударған немесе алаяқтарға өз дербес деректерін ерікті түрде берген. Атап айтқанда, қылмыскерлер келесі схема бойынша әрекет етеді: олар телефонға қоңырау шалып, қазіргі уақытта сіздің атыңызға несие алуға тырысқан алаяқтарды ұстау үшін арнайы операция жүргізіліп жатқанын түсіндіреді.
Тағы бір түсіндірмеде жалған полицей қазір ҚР Ұлттық банкімен бірлескен пысықтау жүргізіліп жатқанын хабарлайды және Ұлттық банк қызметкерімен байланысты ауыстыру үшін желіде қалуды сұрайды.
– Әрі қарай телефонның сол жағындағы дауыс сіздің картаңыз бойынша рұқсатсыз ақша аудару әрекеттері жүріп жатқанын және қаражатыңызды үнемдеу үшін белгілі бір соманы сіздің банктік шотыңызға немесе үшінші тұлғалардың шотына салу керектігін түсіндіреді, – деп хабарлады мегаполис полициясы.
Ведомство полиция қызметкерлері ешқашан телефон арқылы арнайы операциялар мен тергеу әрекеттерін жүргізбейтінін атап өтті.
– Осы үшін полицейлер жәбірленушілерді полиция бөлімшесіне келуге шақырады, сонымен бірге сапардың күнімен уақытын белгілейді. Есіңізде болсын, банк қызметкерлері сіздің картаңыз туралы деректерді ешқашан сұрамайды, сондай-ақ ұялы телефонға келетін кіру кодтарын беруді талап етпейді. Мұндай жағдайларда сіз телефонмен сөйлесуді тоқтатып, банк картасында немесе банк сайтында көрсетілген сенімді нөмірге қоңырау шалуыңыз керек. Өзіңіздің банктік картаңыз туралы, сондай-ақ жеке басыңыз туралы деректерді ешкімге және қандай жағдайда бермеңіз, – деп қорытындылады тәртіп сақшылары
Министрлік жұмысының тиімділігін арттыру мақсатында алаяқтыққа қарсы іс-қимыл бойынша ұйымдастырушылық-практикалық шаралар тұрақты негізде қабылдануда. 2021 жылдан бастап киберқылмысқа қарсы іс-қимыл жөніндегі 2021-2022 жылдарға арналған ведомстволық бағдарлама іске асырылуда. Бағдарламаны іске асыру жөніндегі жоспар ұйымдастырушылық-практикалық және профилактикалық сипаттағы іс-шараларды, оның ішінде мемлекеттік органдармен, банк мекемелерімен, байланыс операторларымен, сауда интернет-алаңдарымен және тағы басқа өзара іс-қимылды қамтиды. Аумақтық бөлімшелерде ақпараттық технологияларды пайдалана отырып жасалатын алаяқтық туралы қылмыстық істерді ашу және тергеу үшін тұрақты жұмыс істейтін жедел-тергеу топтары құрылды.
