Қонаевта денсаулық сақтау мекемелеріндегі қауіпсіздікті қамтамасыз ету мәселелері талқыланды, — деп хабарлайды Polisia.kz.
Қонаев қаласында денсаулық сақтау мекемелеріндегі қоғамдық тәртіп пен қауіпсіздікті қамтамасыз ету мәселелеріне арналған жиын өтті. Шараны Алматы облысы полиция департаментінің күзет қызметін бақылау бөлімі өткізді. Жиынға жергілікті полиция қызметі мен облыстық денсаулық сақтау саласының өкілдері қатысты.
– Жиынның басты тақырыбы – ауруханалар мен емханалар – жоғары әлеуметтік маңызы бар нысандарды қорғау шараларын күшейту қажеттілігі болды. Қатысушылар медициналық мекемелердегі қауіпсіздік дәрігерлердің тыныш және нәтижелі жұмысының, сондай-ақ пациенттердің өз денсаулығы мен өмірінің қауіпсіздігіне сенімділігінің кепілі екенін атап өтті, - деп мәлімдеді полицейлер.
Мәселен, 2024 жылдың бірінші жартыжылдығында облыстың медициналық мекемелерінде 17 заң бұзушылық тіркелсе, оның бесеуі медицина қызметкерлеріне тікелей қауіп төндірумен қатар жүрді. Мұндай алаңдатарлық статистика жүйелі көзқарасты және ауруханалар мен емханалардағы көп деңгейлі қауіпсіздік жүйесін күшейтуді талап етеді.
Жиынға қатысушылар атап өткендей, дәрігерге жасалған зорлық-зомбылықтың әрбір оқиғасы белгілі бір адамға жасалған қылмыс емес, бүкіл денсаулық сақтау жүйесіне соққы. Дәрігерлер қарусыз өмірді сақтайды, олардың жалғыз “қаруы” – білім мен мейірімділік. Сондықтан олар сенімді қорғауда болуы керек.
– Жиын қорытындысы бойынша ҚР қолданыстағы заңнамасына сәйкес полиция мен емдеу мекемелерінің өзара іс-қимылын жақсарту, сондай-ақ денсаулық сақтау нысандарында заңдылық пен құқықтық тәртіпті нығайту бойынша нақты шаралар қабылданды, – деп атап өтті құқық қорғау орган өкілдері.
