Қостанай облысы бойынша ҚАЖД-ға қарасты №76 мекемесінде сотталғандардың туыстарына арналған "Ашық есік күні" іс-шарасы ұйымдастырылды, - деп хабарлайды Polisia.kz.
Шараның басты мақсаты – сотталғандар мен олардың отбасылары арасындағы әлеуметтік байланысты қолдау және нығайту. Бұл түзету және қайта әлеуметтендіру үдерісінің маңызды бөлігі болып табылады.
Қонақтар мекеме аумағымен танысып, сотталғандардың тұрмыс жағдайын өз көздерімен көрді. Олар тұрғын бөлмелерге, асхана мен тұрмыстық нысандарға барып, күнделікті өмірдің қалай ұйымдастырылғанымен танысты.
Іс-шараның ең әсерлі бөлігі – сотталғандардың дайындаған концерттік бағдарламасы болды. Онда олар өздерінің шығармашылық қабілеттері мен әлеуметтік дағдыларын көрсетті.
Мұндай шаралар сотталғандар мен олардың туыстары арасындағы сенімді қарым-қатынасты нығайтуға, эмоционалды байланыс орнатуға, сондай-ақ түзету мекемелерінің ашықтығы мен айқындығын арттыруға ықпал етеді. Сонымен қатар, бұл бастама сотталғандардың оң мотивациясын қалыптастырып, қоғамда түзету мекемелерінің жұмысы туралы объективті көзқарас қалыптастыруға мүмкіндік береді.
