Қостанай облысы ҚАЖД мекемесінде сотталғандарға кеңес берілді, – деп хабарлайды Polisia.kz.
№38 мекемеде сотталғандарға түрлі мәселелер бойынша "бір терезе" форматында кеңес берілді. Іс-шараға прокуратура, жергілікті атқарушы және құқық қорғау органдарының өкілдері, жеке сот орындаушылары, қоғамдық-бақылау комиссиясының мүшелері, нотариустар мен адвокаттар қатысты.
Кездесудің негізгі мақсаты – мемлекеттік органдарда қағазбастылық ағынын азайту және сотталғандарға олардың мәселелерін шешуде барынша жәрдем көрсету. Бас бостандығынан айыру орындарындағы адамдардың жүріп-тұруы шектелгендіктен және әртүрлі инстанцияларға өз бетінше жүгіне алмайтындықтан, мекеме әкімшілігі қажетті консультацияларға қол жеткізуді қамтамасыз ете отырып, осындай іс-шараларды ұйымдастырады.
Кездесу қорытындысы бойынша 50-ден астам сотталушы қабылданды. Мұндай іс-шаралар сотталғандармен жұмыс істеуге оң әсер етеді, сондықтан оларды тұрақты негізде жүргізу қажет болып көрінеді.
