Қостанай облысында “Учаске” жедел алдын алу шарасы шеңберінде көші-қон саласындағы заңнаманы бұзған 85 шетелдік анықталды, – деп хабарлайды Polisia.kz.
Қостанай облысы ПД көші-қон қызметінің мамандары ҰҚК департаментімен, облыс прокуратурасымен, ҚР ҰҚК шекара қызметінің “Оңтүстік” өңірлік басқармасымен бірлесіп “Учаске” жедел-алдын алу іс-шарасы шеңберінде шетелдік азаматтардың көші-қон саласындағы заңнаманы сақтауы бойынша іс-шаралар өткізіп жатыр.
Қостанай облысы ПД көші-қон қызметінің бастығы Қайрат Дүтпаевтың айтуынша, шілде-тамыз айларында облыс аумағында рейдтік іс-шаралар барысында Үндістанның 34 азаматы, Пәкістанның, Сирияның және Непалдың 3 азаматы анықталған. Олардың барлығы келген елдің көші-қон заңнамасын бұзған. Іс жүзінде барлық шетелдіктердің елде заңды мерзімі өтіп кеткен.
Өткізілген іс-шаралардың нәтижелері бойынша Үндістан мен Пәкістанның 23 азаматына қатысты елден шығарып жіберу шаралары қабылданды және олар әкімшілік айыппұлдар түріндегі жазаға тартылды.
Қабылдаушы тараптардың біріне қатысты заңсыз көші-қонды ұйымдастыру фактісі бойынша сотқа дейінгі тергеу басталды. Үндістанның бір азаматы мен Непалдың үш азаматына қатысты Қазақстанның шекара қызметі ҚР мемлекеттік шекарасын заңсыз кесіп өткені үшін сотқа дейінгі тергеп-тексеру басталған.
Сонымен қатар, рейдтік іс-шаралар барысында 17 тамызда өңірдің құрылыс нысандарының бірінде еңбек қызметін заңсыз жүзеге асырған 42 Өзбекстан азаматы анықталды.
Шетелдік жұмыс күшін заңсыз пайдаланған бизнес субъектісіне ҚР ӘҚБтК-нің 519-бабының 1-бөлігі (Қазақстан Республикасының заңнамасын бұза отырып, шетелдік жұмыс күшін және еңбек көшіп келушілерді тарту) бойынша әкімшілік материал жасалды.
Баптың санкциясында 100 АЕК мөлшерінде айыппұл қарастырылған. Облыс аумағында заңсыз көші-қон арналарын анықтау бойынша “Учаске” жедел алдын-алу шарасы шеңберінде мүдделі қызметтермен бірлескен іс-шаралар жалғасып жатыр.
