Қостанай облысы аумағындағы авариялық-құтқару және іздестіру –
құтқару жұмыстары жүргізіліп жатыр,-деп хабарлайды Polisia.kz.
Ағымдағы жылдың 18 ақпанында Қостанай облысының аумағында ауа райының нашарлауына байланысты (боран, төмен бұрқасын, көрінудің нашар
болуы) облыс тұрғындарына республикалық және облыстық маңызы бар
автожолдарда қозғалысты жабу және шектеу туралы ақпарат жеткізілді, бірақ
қабылданған шараларға қарамастан, құтқарушылардың көмегіне жүгінген
адамдар болды.
Қамысты – Жітіқара тас жолының нөлдік көрінуіне байланысты жеңіл
автокөлік жол жиегіне соғылды. Құтқарушылар құрамында 2 адам бар жедел-
құтқару жасағының жоғары өтімді техникасымен Ямал жеңіл автокөлік
жүргізушісін оқиға орнынан эвакуациялады.
Құтқарушылар Қостанай облысының төтенше жағдайлар бөлімінің
қызметкерлерімен бірге Қостанай және Сарыкөл аймағында бірқатар құтқару
жұмыстарын жүргізді: 1955 жылы туған ер адам балық аулауды жүріп өтіп, Қостанай облысының Тас көліне қарай «Нива» көлігімен қарға түсіп қалды. TREKOL жол талғамайтын көліктерін пайдаланған құтқарушылар қардан көрінген көліктен ер адамды тапты. Кейіннен ол қауіпсіз түрде эвакуацияланды.Жұмыс аяқталған соң, Қостанай ауданының аумағында Садчиковка кенті мен Ақсу кенті арасында боранда адасып кеткен 1967 жылы туған ер адамға көмек керек екені туралы ақпарат келіп түсті. Зардап шеккен адамды іздеу сәтті аяқталды, ер адам табылып, далалық жерге жеткізді, азық-түлік пен дәрі-дәрмекпен қамтамасыз етілді. Ер адам көшіруден бас тартты,
денсаулығына ешқандай қауіп төндірмеді.
Келесі шақыру Сарыкөл ауданының Новый кентінен келіп түсті, көмекке 2019 жылы туған бала мұқтаж болды. Құтқарушылар Сарыкөл ауруханасының бас дәрігерімен және фельдшерімен бірге шұғыл түрде шақырту орнына шықты. Медициналық қызметкерлер келген бойда баланы қарап шықты, тексеруден кейін жедел ауруханаға жатқызу туралы шешім қабылданды. Анасы баласымен жедел жәрдем бригадасына тапсырылды.
Қостанай қаласына оралғаннан кейін құтқарушылар жүргізушілерге 5
автокөлік құралын босатуға көмек көрсетті. Сонымен қатар, Жітіқара – Тоқтаров, Денисовка – Қарабұтақ, Арқалық– Целинный, Арқалық – Алуа, Арқалық – Шайындыкөл трассаларында авариялық-құтқару жұмыстары жүргізілді. Құтқарушылардың көмегіне 45 адам (41 ер адам, 3 әйел,1 бала) мұқтаж болды. Жүргізілген жұмыстар барысында қар құрсауынан 20 адам құтқарылды, оның ішінде 1 бала, 18 адам эвакуацияланды, 1 автокөлік құралы босатылды. 25 адам жолай автокөлікпен Жітіқара қаласына жетті.
19 ақпанға қараған түні Жалғыстал ауылында жүкті әйелді медициналық мекемеге жедел тасымалдау талап етілді. Арқалық қаласының құтқару бөлімшесінің құтқарушылар тобы Марш-Бронто жоғары өтімді техникасымен шықты. Әйелді жедел түрде Арқалық қаласының перзентханасына қажетті білікті көмек көрсету үшін жеткізді.
Ағымдағы жылдың 18-19 ақпан аралығында құтқарушылар көмегімен
қар құрсауынан 28 адам құтқарылды (оның ішінде 4 әйел, 3 бала), 26 адам
эвакуацияланды, 2 зардап шеккен адамға алғашқы медициналық көмек
көрсетілді, 6 автокөлік құралы босатылды. Уақытында көрсетілген көмектің
арқасында адамдардың өмірі мен денсаулығына қауіп жоқ. Қар құрсауынан адамдарды құтқару және эвакуациялау бойынша авариялық – құтқару жұмыстары жалғасуда.
