Қостанай облысында спорт шебері Торғынбек Әміров сотталғандарға мотивациялық дәріс өткізді, – деп хабарлайды Polisia.kz.
Жол картасын іске асыру шеңберінде 2023-2025 жж. Қазақстан Республикасының спорт шебері, WBC және WBO екі нұсқасы бойынша кәсіпқойлар арасында Азия чемпионы, RCC hard жұдырық лигасының чемпионы Әміров Торғынбек Ғалымбекұлы № 38 мекемеге барды. Сапар барысында ол спорт пен салауатты өмір салтының маңыздылығына назар аудара отырып, сотталғандарға мотивациялық дәріс өткізді. Торғынбек спорттағы жетістіктерімен бөлісіп, табысқа жету жолындағы қиындықтар және табандылық пен тәртіп оған жоғары нәтижелерге қол жеткізуге қалай көмектескені туралы айтты.
Спорт шебері сотталғандарды жазасын өтеудің белгіленген тәртібін бұзбауға, спортпен шұғылдануға және өз бойында рух күшін дамытуға шақырды. Оның бостандыққа ұмтылу және жаңа бастамаға дайындалу қажеттілігі туралы сөздері ерекше маңызды болды. Мұндай кездесулер сотталғандарға оң әсер етіп, оларды түзетуге және қоғамға сәтті қайта кіруге ықпал етеді, бұл, әрине, пенитенциарлық жүйені реформалау процесінің маңызды бөлігі болып табылады.
