Қостанай облысында отбасылық-тұрмыстық зорлық-зомбылыққа қарсы мамандандырылған бөлім жұмыс істейді, – деп хабарлайды Polisia.kz.
Қостанай облысында еліміздің басқа өңірлерімен қатар отбасылық-тұрмыстық зорлық-зомбылыққа қарсы күрес жөніндегі мамандандырылған бөлім өз қызметін белсенді түрде атқарып келеді. Бөлімнің басты мақсаты — отбасылардағы зорлық-зомбылыққа қарсы іс-қимыл жасау, сонымен қатар зардап шеккендерге білікті заң, әлеуметтік және психологиялық көмек көрсету.
– Әрбір зорлық-зомбылық оқиғасы зардап шеккендер үшін қайғылы жағдай екенін жақсы түсінеміз. Біздің міндетіміз тек осы жағдайларға әрекет ету ғана емес, сондай-ақ оларды алдын алу үшін тиімді қолдау тетіктерін құру, — деп атап өтті бөлім бастығы Мадина Валиева.
Өткен жылы Қостанай облысында тұрмыстық қатынастар саласында құқыққа қарсы 5 126 жағдай тоқтатылып, 11 мыңнан астам адам профилактикалық есепке алынған. Бұл көрсеткіштер мамандандырылған бөлімнің маңыздылығын және отбасылық зорлық-зомбылықтың алдын алу қажеттілігін айқындайды.
Бөлім дағдарыс орталықтары, медициналық мекемелер және қоғамдық ұйымдармен белсенді жұмыс істейді, бұл зардап шеккендерге көмек көрсету жүйесін кешенді түрде дамытуға мүмкіндік береді.
Зорлық-зомбылыққа ұшыраған немесе осындай жағдайлар туралы ақпараты бар кез келген адам 111, 150 немесе 8 (7142) 55-81-29 нөмірлері арқылы көмекке жүгіне алады.
– Сіздің белсенділігіңіз, немқұрайлы қарамауыңыз және уақтылы хабарласуыңыз біреудің өмірін сақтап қалуы мүмкін, — деп еске салады полиция қызметкерлері.
