Қостанайда жол апатынан қаза тапқандарды еске алуға арналған автошеру өтті, — деп хабарлайды Polisia.kz.
"Қауіпсіз жол" республикалық операциясы аясында Қостанайда жол-көлік оқиғалары құрбандарын еске алуға арналған автошеру ұйымдастырылды. Іс-шараны полиция қызметкерлері жолдардағы қауіпсіздік және апаттардың алдын алу мәселелеріне жұртшылықтың назарын аудару мақсатында ұйымдастырды.
Автошеруге қатысушылар жүргізушілер мен жаяу жүргіншілердің назарын аудара отырып, қаланың орталық көшелерімен жүріп өтті. Іс-шараның негізгі символдарының бірі – апатқа ұшыраған көлік тасымалданған эвакуатор болды. Бұл көлік жүргізудегі абайсыздықтың қайғылы салдары.
– Біз жол қозғалысының әрбір қатысушысына жолдағы қауіпсіздік, жауапкершілік ережелерін сақтаудың маңыздылығын жеткізгіміз келеді. Өйткені, жол-көлік оқиғасының салдарынан болған адам шығыны - бұл біреудің өмірі, біреудің орындалмаған армандары мен жоспарлары, — деп атап өтті іс-шараны ұйымдастырушы полиция өкілі.
Акция қайғылы оқиғаларды болдырмауға және адамдарға жолдағы қауіпсіздік әркімнің жауапкершілігі екенін еске салуға бағытталған. Полиция қызметкерлері мұндай іс-шаралар жүргізушілер мен жаяу жүргіншілердің санасын арттыруға, сондай-ақ жолдардағы апаттар мен құрбандардың санын азайтуға көмектесетініне сенімді.
