Қостанайлық полицейлер екі тұрғыннан апиын мен қарасора тәркіледі, – деп хабарлайды Polisia.kz.
«Қарасора-2022» операциясы барысында Қостанай облысы ПД Есірткі қылмысына қарсы іс-қимыл жөніндегі полицейлер есірткі қылмыстарына күдікті облыс орталығының тұрғындарын ұстады. Полиция 48 жастағы ер адамның үйінен салмағы 700 грамнан асатын экстракциялық апиын мен оны жасауға арналған заттарды тәркіледі. Сараптама нәтижелері бойынша, ер адам көкнәр сабанынан және тұқымынан булану арқылы апиын экстракциясын өндіргені анықталды.
Қала тұрғынының айтуынша, ол апиынды жеке пайдалану үшін қолданған. Бұған дейін ер адам есірткі құралдарының заңсыз айналымы үшін бірнеше рет қылмыстық жауапкершілікке тартылған. Аталған факті бойынша ҚР ҚК-нің 296-бабының 4-бөлігі «Аса ірі мөлшерде есірткі заттарын сақтау» бойынша тергеу жүргізілуде.
2 шілдеде облыс орталығының Высокая көшесінде, 48 жастағы ер адамның ауласында өсірілген қарасораның 55 бұтасы табылды. Күдіктінің үйін одан әрі тінту кезінде жедел уәкілдер белгілі бір иісі бар жасыл зат бар 12 қағаз орамасын, сондай-ақ шприцтер мен сығылған дәрілерді тәркіледі. Сараптамаға сәйкес, тәркіленген өсімдік – салмағы 600 граммға жуық өсірілетін қарасора.
ҚР ҚК 300-бабы бойынша сотқа дейінгі іс жүргізу басталды. Жыл басынан бері өңірде полицейлер заңсыз айналымнан 21 келіден астам түрлі есірткі заттарын тәркіледі, оның ішінде 555 грамнан астамы героин және 737 грамнан асатын синтетикалық есірткі.
