Қазақстан Республикасы ІІМ Ұлттық ұланының Бас қолбасшылығы базасында құрылымдық бөлімшелердің әскери қызметшілері арасында волейболдан командалық жарыс өтті, – деп хабарлайды Polisia.kz.
Турнирдің негізгі мақсаты — жауынгерлік және спорттық дайындық деңгейін арттыру, командалық рухты нығайту, сондай-ақ жеке құрам арасында салауатты өмір салтын насихаттау болды.
Жарыс қарқынды өтті, командалар дене шынықтырудың жоғары деңгейін, іс-қимылдар үйлесімділігін және жеңіске деген ерік-жігерін көрсетті.
Табанды тартыс қорытындысында жүлделер:
1-орын — Жауынгерлік дайындық бас басқармасының командасына;
2-орын — Байланыс басқармасының командасына;
3-орын — Автоматтандыруды басқармасының командасына берілді.
Турнир барысында жеке номинациялар бойынша үздік ойыншылар анықталды:
Әскерді басқару орталығының офицері — жедел кезекшінің көмекшісі Рүстем Казиханов “Үздік ойыншы” атанды.
Ұлттық ұланның жедел-стратегиялық жоспарлау бөлімінің аға офицері Данияр Досанов “Үздік либеро” атанды.
Кіші сержант Тасқын Тілеубек “Үздік байланыстырушы”, ал аға маман Арсен Шапенов “Үздік шабуылшы” атағын жеңіп алды.
Жарыстың барлық жүлдегерлері мен жеңімпаздары ҚР ІІМ Ұлттық ұлан Бас қолбасшылығының медальдарымен және грамоталарымен марапатталды.
Осындай спорттық іс-шаралар өткізу әскери тәртіпті нығайтуға, дене төзімділігін дамытуға және әскери қызметшілердің күнделікті қызметінің маңызды құрамдас бөлігі саналады ұйымшыл ұжымды қалыптастыруға ықпал етеді.
