ҚР Президентінің кеңесшісі Жамбыл облысы ПД жеке құрамымен кездесті, — деп хабарлайды Polisia.kz.
ҚР Президентінің кеңесшісі Мәлік Отарбаев Жамбыл облысы полиция департаментінің жеке құрамымен кездесу өткізді.
Кездесуге облыс әкімінің орынбасары Серік Сәлемов, ПД басшысы Бақытжан Малыбаев қатысты. Кездесудің негізгі тақырыбы — Президент Қасым-Жомарт Тоқаевтың бастамасымен болған Ұлттық құрылтайдың IV отырысының тапсырмалары болды.
Мәлік Отарбаев өз сөзінде елімізде кез-келген құқық бұзушылыққа нөлдік төзімділік жағдайында қалыптасудың, заң мен тәртіп ережесін нығайтып, қауіпсіз, жайлы орта құрудың маңыздылығын атап өтті.
— Мемлекет басшысы Ұлттық құрылтай отырысында заң және тәртіп ережелерінің мәселелеріне ерекше назар аударды. Президент бірінші кезекте бұл барлығының және әркімнің жеке және жалпы тәртібі екенін атап өтті, — деді ол.
Қасым-Жомарт Тоқаев интернет-алаяқтыққа қатысты, отбасылық зорлық-зомбылықтың алдын алу секілді бірқатар мәселелерді де көтерген.
Ұлттық құрылтай отырысының бастамасымен елімізде 2026-2028 жылдарға арналған нашақорлықпен және есірткі саудасымен күресудің жаңа Кешенді жоспары қабылданады.
Полиция қызметіне қатысты осындай және басқа да мәселелер, негізгі талаптар мен нұсқаулар жеке құрам назарына жеткізілді.
