Қазақстан Республикасын Ұлттық ұланы «Батыс» өңірлік қолбасшылығының жаңа қолбасшысы тағайындалды, – деп хабарлайды Polisia.kz.
Қазақстан Республикасы Ішкі істер министрлігінің жарлығымен Қазақстан Республикасының Ұлттық ұланы «Батыс» өңірлік қолбасшылығының жаңа қолбасшысы ретінде Казкеев Бекайдар Маратұлы тағайындалды.
Жаңадан тағайындалған «Батыс» өңірлік қолбасшылығының қолбасшысын жеке құраммен таныстыру онлайн режимде жүргізілді. Өңірлік жаңа қолбасшыны Қазақстан Республикасының ішкі істер министірінің орынбасы Ұлттық ұланның бас қолбасшысы Еркін Ботақанов таныстырды.
Казкеев Бекайдар Маратұлы аталмыш лауазымға тағайындалғанға дейін «Оңтүстік» өңірлік қолбасшылығы қолбасшысының бірінші орынбасары-штаб бастысы қызметін атқарды.
Қазақстан Республикасы Ішкі істер министірінің орынбасы, Ұлттық ұлан Бас қолбасшысы жаңадан тағайындалған қолбасшыға әскери қызметінде табыс, жауынгерлік және командалық дайындықты жетілдіруді тіледі. Осыған дейін «Батыс» өңірлік қолбасшылығының қолбасшысы қызметін атқарған Жұмағалиев Армана Мақсотұлы Қазақстан Республикасы Ұлттық ұланы «Шығыс» өңірлік қолбасшылығының қолбасшысы лауазымына тағайындалды.
