Павлодар облысының полиция департаментінде 24 жылдан бері құқық қорғау органдарында тер төгіп жүрген тәртіп сақшысы қызмет етеді, – деп хабарлайды Polisia.kz.
Динара Құсайынова – тылдық қамтамасыз ету басқармасының ерекше тапсырмалар жөніндегі аға инспекторы. 24 жылдан бері құқық қорғау органдарының қатарында табысты еңбек етіп келеді.
Алғашқы қызмет орны Ақсу қаласы ПБ қылмыстық іздестіру бөлімі болды. Семей заң колледжін бітіргеннен кейін, жедел уәкіл қызметінде Динара демалыс және мереке күндерінсіз жұмыс істеді.
– Мен мұндай режимде жұмыс істеудің қаншалықты қиын екенін көрдім. Жаңа және қабылдау қиын ақпараттар көп болды. Мендей кешегі студент үшін бұл бірінші үлкен сынақ болды, – деп еске алады Динара қиын кезеңді.
2006 жылы ол Солтүстік ПБ тергеу бөлімінің тергеушісі болып тағайындалды, онда ол қылмыстық істерді – тонау, қарақшылық және басқа адамдардың мүлкін бірнеше рет ұрлауды тергеді.
Тергеуде 6 жыл жұмыс істегеннен кейін ол қайтадан қылмыстық іздестіру қызметіне оралды. 2015 жылы Динара әскери азаматқа тұрмысқа шығып, қазіргі уақытта олардың тату отбасында сүйкімді 5 жасар қызы Жанель өсіп келеді.
– Отбасылық бақыттың құпиясы – өзара түсіністік пен қолдауда. Менің жұбайым – қамқор жар, ол менің сенімді және берік тірегім. Бізде міндеттерді бөлу жоқ, бәрін бірге жасаймыз. Даулы мәселелерде біз әрқашан ортақ шешімге келуге тырысамыз. Егер сүйіспеншілік сезім болса, мұның бәрі қиын емес, – деп мойындайды Динара.
2018 жылы ерлі-зайыптылар қызметтік қажеттілікке байланысты Астана қаласына көшті, онда Динара бір жылға жуық Астана қаласы ПД Штаб басқармасының ерекше тапсырмалар жөніндегі аға инспекторы лауазымында жұмыс істеді.
– Тылдық қамтамасыз ету басқармасында біз қылмыстарды ашумен, тергеумен немесе алдын алумен, жедел-іздестіру қызметімен айналыспаймыз, қылмыскерлерді іздеуде көшелерді патрульдемейміз. Дегенмен тылдың нақты жолға қойылған тапсырмаларсыз кез келген ІІО қызметін ұйымдастыруды елестету мүмкін емес. Тылдықтар қызметтерді барлық қажеттіліктермен қамтамасыз етеді. Жабдықтау және жабдықталған қызметтік үй-жайларды ұсынудан бастап, жедел бөлімшелерді көлікпен, қару-жарақпен және оқ-дәрілермен қамтамасыз етуге дейін. Тылдық қамтамасыз ету қызметі — тек аттестатталған офицерлер құрамы ғана емес, сонымен қатар күнделікті жұмысы да маңызды болып табылатын жалдамалы қызметкерлер де, – дейді Динара.
Әріптестері оны нағыз кәсіпқой, адамдарды қолдауға және көмекке келуге әрқашан дайын жауапты маман ретінде бағалайды.
