Павлодар облысында полиция іздеуде жүрген қылмыскерлерді ұстады, - деп хабарлайды Polisia.kz.
Полиция қызметкерлері заңдылық пен құқықтық тәртіпті қамтамасыз ету, азаматтардың құқықтары мен бостандықтарын қорғау, сондай-ақ іздеуде жүрген қылмыскерлерді анықтап, ұстау бағытындағы жүйелі және мақсатты жұмыстарын жалғастыруда.
Тек екі күннің ішінде құқық қорғау қызметкерлері қылмыс жасағаны үшін іздеуде жүрген төрт қылмыскерді қолға түсірді.
Мәселен, Малайсары батыр көшесінде патрульдеу барысында полицейлер бір азаматты тоқтатып, тексеру кезінде оның ұрлық жасағаны үшін іздеуде жүргені анықталды. Ал Ткачев көшесінде алаяқтық жасағаны үшін іздеуде болған ер адам ұсталды. Барлық күдіктілер тиісті іс жүргізу шараларын жүргізу үшін полиция бөлімдеріне жеткізілді, – деп хабарлады Павлодар облыстық Полиция департаменті.
Полиция өкілдері "Заң және тәртіп" қағидаты ішкі істер органдарының басты міндеттерінің бірі болып қала беретінін еске салып, құқық бұзушылардың заң алдында міндетті түрде жауапқа тартылатынын атап өтті.
