"Күйгенжар" бекетінде полиция қызметкерлері "Kia Sportage" автокөлігін тексеру барысында есірткіге ұқсас заттарды анықтады, - деп хабарлайды Polisia.kz.
Жедел-іздестіру шаралары кезінде қызметтік ит Хлоя күдікті заттарды сезіп, полицейлерге белгі берді. Тексеру барысында шамамен 1 келі мефедрон есірткісін тәркіледі.
23 жастағы күдікті есірткі заттарын ірі көлемде сақтағаны үшін ұсталды. Бұл оқиға қызметтік иттердің маңызды рөлін тағы да айқындап берді. Есірткі мен жарылғыш заттарды іздеуде қызметтік иттер кеңінен қолданылады. Астана қаласы полиция департаментінің кинологиялық қызмет орталығында 50-ден астам ит қызмет етеді, олардың көбі есірткі іздеуге маманданған.
Хлоя – бельгиялық малинуа тұқымының итінен тұрады және полиция қатарында 5 жылдан астам уақыт қызмет етіп келеді. Оның негізгі міндеті – есірткі заттарын іздеу. Бұл тапсырманы Хлоя өте жақсы орындап келеді. Ит өзінің иіс сезу қабілетін ойын арқылы үйренеді, ал ең үлкен марапаты – еттен жасалған дәмді сыйлық.
Биылғы жылдың басынан бері қызметтік иттер 2000-нан астам жедел-іздестіру шараларына және шекаралық бекеттерде жүргізілген тексерістерге жұмылдырылды. Олардың көмегімен 110 қылмыс ашылды.
