Қызылорда облысында «Түнгі қаладағы балалар» профилактикалық іс-шарасының төрт күнінде 271 жасөспірім ІІО-ға жеткізілді, – деп хабарлайды Polisia.kz
Облыс көлемінде кәмелетке толмағандар мен оларға қарсы жасалатын құқық бұзушылықтың алдын алу, оның ішінде кәмелетке толмағандарды ойын-сауық мекемелерінде және тұрғын жайдан тыс жерде кешкі және түнгі уақытта анықтауға бағытталған іс-шараларды өткізу мақсатында 23-27 кыркүйек аралығында «Түнгі қаладағы балалар» профилактикалық іс-шарасы өткізілуде.
Іс-шара барысында алкогольдік ішімдік ішетін, заңды өкілдердің ілесіп жүруінсіз түнгі уақытта үй-жайлардан тыс жерде болатын, тыныштықты бұзатын, ұсақ бұзақылық жасайтын кәмелетке толмағандарды, сондай-ақ оларды қоғамға қарсы іс-әрекеттер жасауға тартатын адамдарды анықтау бойынша және жастардың шоғырлану орындарын тексеру жұмыстары жүргізілуде. Іс-шараның 4 күнінде ішкі істер органдарына 271 құқық бұзушы жеткізілді.
Түнгі уақытта заңды өкілдерінің еріп жүруінсіз ойын-сауық кешендерінде және тұрғын жайдан тыс жерде жүргендері үшін 257 жасөспірім анықталып, олардың заңды өкілдеріне әкімшілік хаттамалар толтырылды, ал қалғаны 24 қадағалаусыз және панасыз қалғаны үшін жеткізілді.
Кәмелетке толмағандардың түнгі уақытта ойын-сауық мекемелерінде болуына жол берген 13 кәсіпкер, жасөспірімдерге темекі және алкоголь өнімін сатқаны үшін 10 сатушы әкімшілік жауапкершілікке тартылды. Кәмелетке толмаған адамды тәрбиелеу және (немесе) оған білім беру, оның құқықтары мен мүдделерін қорғау жөніндегі міндеттерді орындамаудың 21 дерегі анықталып, хаттама рәсімделіп, тиісті шешім қабылдау үшін сотқа жолданды. Кәмелетке толмағандардың және олардың ата-аналарымен профилактикалық жұмыстар жүргізілді.
