Қызылорда облысында есептегі сотталғандар шағын футболдан жеңімпаз атанды, – деп хабарлайды Polisia.kz.
Қазалы аудандық пробация қызметі аудандық Жастар ресустық орталығы мен дене шынықтыру және спорт бөлімінің бірлесе ұйымдастыруымен аудандық спорт кешенінде пробация қызметі есебіндегі жастар мен ерікті жастар арасында шағын футболдан жарыс өткізді.
Жарыстың мақсаты – жастар арасында салауатты өмір салтын насихаттау, құқық бұзушылықтың алдын алу мен қылмыстың өсуіне жол бермеу және пробация есебіндегі жастарды қоғамға бейімдеу, олардың спортқа деген қызығушылығын арттыру.
Шағын футболдан жарысқа «Барыс», «Жастар», «Серілер» мен «Арлан» командалары қатысып, күш сынасты. Пробация есебіндегі жастар арасынан құрылған «Барыс» командасы жарысқа белсене қатысты. Тартысты өткен бәсекеде «Барыс» командасы II-орынды иеленді. «Үздік қақпашы» номинациясы Е .есімді азаматқа бұйырды. Жеңімпаздар кубокпен, арнайы алғыс хатпен марапатталды.
– «Үздік қақпашы» номинациясын иелендім. Бала күнімнен спортқа жақын өстім. Мектепте спорттан өткен шараларға жиі қатысатынмын. Бүгін міне футболдан «Үздік қақпашы» номинациясын иелендім, спорттық шараны ұйымдастырушыларға алғысым шексіз, – дейді есептегі азамат.
