Қызылорда облысында шаруашылықтан шөп ұрлаған тұрғын ұсталды, – деп хабарлайды Polisia.kz.
Қызылорда облысы Сырдария ауданына қарасты елді мекендердің бірінде шаруашылықтың жоңышқа пресс шөбін ұрлап жатқан 50 жастағы аудан тұрғыны ұрлық үстінде қолға түсті.
1 қаңтарда Сырдария ауданы Нағи Ильясов ауылының шаруашылық төрағасынан 117 жоңышқа прессті белгісіз біреулер ұрлап кетті деген қатынас хат келіп түскен.
Аталған оқиға бойынша жедел-тергеу тобы дереу оқиға орнына барып, жедел-іздестіру жұмыстарын жүргізу барысында 50 жастағы аудан тұрғынының ізіне түсіп, Сырдария ауданы полиция бөліміне жеткізді.
Қазіргі таңда қылмыс құралы – ГАЗель автокөлігі Бөлімнің ауласына қамалды.
Аталған ұрлық қылмысы бойынша алдын ала тергеу амалдары жүргізілуде.
