Қызылорда облысы ҚАЖ департаментіне қарасты №60 мекемесінде психологиялық қамтамасыз ету тобының ұйымдастыруымен сотталғандарға арналған "Суицидтің алдын алу" тақырыбында тренинг өткізілді, – деп хабарлайды Polisia.kz.
Іс-шараға Қорқыт Ата атындағы Қызылорда университетінің психологиялық қолдау орталығының психологы Сәндігүл Дарибаева қатысты. Ол суицидтің айықпас дерт екенін, қазіргі уақытта қоғамдағы өзекті мәселе болып отырғанын және суицид жағдайын болдырмау мен оның алдын алу ең маңызды бағыттардың бірі екенін айтты.
Шараның мақсаты – түзеу мекемелерінде және одан босатылғаннан кейін де қылмыстық жазасын өтеп жүрген сотталғандарды әлеуметтік бейімдеу жөніндегі мемлекеттік бағдарламалардың іске асырылуын қамтамасыз ету және осы салада тиімді ынтымақтастық орнату.
Тренинг барысында адамның өзін-өзі бағалау қасиетін арттыру, суицидтің алдын алу, сондай-ақ еркіндікке шығуға психологиялық тұрғыдан даярлау сияқты түрлі тақырыптар сөз етілді. Сонымен қатар мамандар сотталғандардың сұрағына жауап беріп, жаңа жағдайға бейімделу мен отбасы мүшелерімен тығыз қарым-қатынас орнату мәселелері бойынша өзара әңгімелер жүргізіп, әлеуметтік-психологиялық көмек көрсетті.
Айта кету керек, аталған іс-шараның қатысушылар үшін тәжірибелік пайдасы жоғары болды.
