Қызылордада автокөлік дөңгелектерін ұрлаған тұрғын ұсталды, – деп хабарлайды Polisia.kz.
Қазақстан Республикасы ІІМ-нің Ұрлыққа қарсы іс-қимыл жөніндегі 2021-2023 жылдарға арналған бағдарламасын жүзеге асыру бағытында басқарма қызметкерлері күнделікті профилактикалық шаралар өткізуде.
20 желтоқсан күні Қызылорда қалалық Полиция басқармасының полицейлері қала аумағында орналасқан көпқабатты үйдің жер төлесінен төрт дана Yokohama үлгісіндегі автокөлік дөңгелектерін ұрлап кеткен ұрыны іздеу жұмыстарымен айналысты. Жәбірленушіге келтірілген материалдық шығын – 400 мың теңге.
Ұрлыққа қарсы бағдарлама барысында Қызылорда қалалық Полиция басқармасының қызметкерлерімен дөңгелек ұрлығын жасаған қала тұрғыны ұсталды. Күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы қолданылды.
Қазіргі уақытта аталған дерек бойынша сотқа дейінгі тергеп-тексеру амалдары жүргізілуде. Оқиғаның мән-жайлары анықталуда.
