Қызылордада көлік басқару құқығынан айырылған жүргізуші ұсталды, – деп хабарлайды Polisia.kz.
Қазақстан Республикасы Ішкі істер министрлігінің нұсқауына сәйкес браконьерлікті, биологиялық ресурстар объектілерінің заңсыз айналымын анықтау және жолын кесу мақсатында Қызылорда облысының аумағында "Киік" жедел-профилактикалық іс-шарасы өткізіліп жатыр.
Іс-шараның 8 күнінде тәртіп сақшылары 23 құқық бұзушылық анықталды.
Мысалы, 8 желтоқсан күні сағат түнгі 02:50 шамасында қала көшелерінің бірінде жол жүрісі қағидаларын бұзған Nissan автокөлігі тоқтатылды. Көлікті тексеру барысында автокөліктің артқы орындығынан тіркелмеген қару табылды. Бұдан бөлек, 27 жастағы жүргізуші бұрын сот шешімімен 7 жылға автокөлік басқару құқығынан айырылып, көлікті құжатсыз басқарғаны анықталды.
Құқық бұзушыға бірнеше хаттама ресімделіп, автокөлік айып алаңына қойылды.
