Қызылордалық полицейлер мал ұрлығын “ізін суытпай” ашты, – деп хабарлайды Polisia.kz.
31 қаңтарға қараған түні полицияға Қараөзек ауылының тұрғыны ауласындағы мал қорасынан бір бас сиырының ұрланғандығы туралы арызданды.
Полиция қызметкерлері дереу жедел-іздестіру іс-шараларын өткізіп, “ізін суытпай” мал ұрлаған азаматты анықтады. Күдікті жұмыссыз, 25 жастағы ауыл тұрғыны болып шықты. Тергеу барысында ұрланған сиыр алынды.
Қазіргі таңда Қазақстан Республикасы Қылмыстық кодексінің 188-1-бабының 3-бөлігімен (Мал ұрлау) сотқа дейінгі тергеп-тексеру амалдары жүргізілуде.
Мал ұрлықтарының алдын алу мақсатында Қызылорда облысының Полиция департаменті азаматтардан өз мүлкін сақтау үшін барлық қажетті шараларды қабылдауды сұрайды.
