Қызылордада ҚР ІІМ академияларының түлектеріне диплом табысталды, – деп хабарлайды Polisia.kz.
1 шілде күні Қызылорда облысы Полиция департаментінде Қазақстан Республикасы Ішкі істер министрлігінің М. Есболатов атындағы Алматы және Б. Бейсенов атындағы Қарағанды академияларының күндізгі оқу нысаны түлектеріне диплом табысталды.ҚР ІІМ М. Есболатов атындағы Алматы академиясын бітірген тоғыз түлекке және ҚР ІІМ Б. Бейсенов атындағы Қарағанды академияның 12 түлегіне академияны аяқтағандықтарын растайтын құжаттары табысталды.
– Сіздер бүгіннен бастап халыққа адал қызмет ететін полиция қызметкерлерісіздер. Иықтарыңызға тағылған жұлдызшаларыңыздың өзі үлкен жауапкершілікті жүктейді. Ішкі істер органдары қызметкерлерінің қатарын толықтыра отырып, Отанымыз үшін абыройлы қызмет ететіндеріңізге сенім білдіреміз, – деді Департамент бастығының міндетін атқарушы Шамшидин Амитов.
