Қызылордада жыл басынан "Арқан" құрылғысымен 30 мыңға жуық құқық бұзушылық анықталды, - деп хабарлайды Polisia.kz.
Қызылорда қаласында автокөліктер ағымы басым көп жүретін көше бойларына жалпы саны 24 құқық бұзушылықтарды автоматты түрде анықтайтын сертификатталған арнайы бақылау-өлшеу құрылғылары жұмыс атқаруда. Құрылғылардың негізгі мақсаты - жол қауіпсіздігін сақтап, жол көлік оқиғасын азайту.
Есепті мерзімде "Арқан" құрылғылармен 32 579 құқық бұзушылық анықталып, 339,4 млн. теңге айыппұл салынса, оның 268,9 млн. теңгесі өндірілді.
- Құрылғылардың тиімділігін ескере отырып қаламызда алдағы уақытта құрылғыларды көбейту мақсатында тиісті жұмыстар атқарылуда, - деді Қызылорда облысы Полиция департаментінің бастығы Сұлтан Бектөре.
