Қызылордалық полицейлер студенттермен кездесті, – деп хабарлайды Polisia.kz.
Қызылорда қаласы полиция басқарма бастығының бірінші орынбасары Ердаулет Жаукеев Қорқыт ата атындағы Қызылорда мемлекеттік университетінің студенттермен кездесу өткізді.
Кездесудің басты мақсаты – қылмыс пен құқық бұзушылықтың алдын-алу, қылмыстың өсуіне жол бермеу, жастардың қауіпсіздігін қамтамасыз ету. Жасөспірімдер арасында кеңінен тараған заң бұзушылықтың, қылмыстың ахуалы мысалдар ретінде келтірілді және қылмыс істегені үшін жауапкершіліктердің түрлері түсіндірілді.
Полиция қызметкерлерімен студенттер арасындағы кездесу жоғары дәрежеде өтті. Студенттер тарапынан көптеген сұрақтар қойылып, оларға полиция қызметкерлері толыққанды жауаптар берді.
