Түркістандықты Ресейде жұмысқа орналастырып беремін деп алдаған күдікті ұсталды, – деп хабарлайды Polisia.kz.
Түркістан қалалық ПБ-ға жергілікті әйел тұрғын жерлесіне алданып, берген ақшасын ала алмай жүргенін айтқан. Яғни, арызында 2021 жылдың желтоқсан айында танысы Ресей Федерациясына жұмысқа орналастырып беремін деп 330 мың теңге ақшасын алып, әлі күнге дейін қайтармағандығын айтқан. Осылайша алаяққа алданғанын түсінген тұрғын полиция қызметкерлерінен көмек сұраған.
Тәртіп сақшылары аталған жайтты ҚР ҚК-нің 190-бабы (Алаяқтық) қылмыстық құқық бұзушылығы бойынша СДТБТ-ға тіркеді.
Шұғыл-іздестіру іс-шараларын жүргізген түркістандық қырағы тәртіп сақшылары осы жайтқа қатысы бар күдіктіні тұрғылықты мекенжайынан ұстады. Қазіргі таңда аталған жайтқа байланысты тергеу амалдары жүргізілуде.
Белгілі болғандай, күдікті ер адам оңай жолмен ақша табуды көздеп, танысынан алаяқтық жолмен ақша алған. Содан соң оны өзінің қажеттілігіне жұмсап, бірнеше ай бойы алдап келген.
