Ақпараттық медиа-портал POLISIA.KZ

Сарыағашта полицейлер тұрғынның ауласынан 30 келіге жуық сора есірткісін тәркіледі

Сарыағашта полицейлер тұрғынның ауласынан 30 келіге жуық сора есірткісін тәркіледі, – деп хабарлайды Polisia.kz.

Жыл басынан бері облыс полицейлері есірткі еккендерге, тасымалдағандар мен сатқандарға қарсы іс-қимыл шараларын күшейтті. Облысқа қарасты барлық қала, аудандарда полицейлер рейдтік-профилактикалық шараларды жүргізуде.

Мәселен, Сарыағаш аудандық полиция бөлімінің қызметкерлері үйінің ауласында есірткі тектес сора өсімдігін өсірген ер азаматты ұстады. Аталған жайт сотқа дейінгі тергеп-тексерудің бірыңғай тізіліміне енгізіліп, ҚР ҚК-нің 300-бабы бойынша (Құрамында есірткі заттар бар, өсіруге тыйым салынған өсімдіктерді заңсыз егіп-өсіру) қылмыстық іс қозғалды.

Жедел құрылған полицейлер тобы күдіктінің ауласындағы бау-бақшасынан сора өсімдігін тауып, айғақты зат ретінде тәркілеп алды. Сараптама тағайындалды. Қорытындыға сәйкес, алынған түптер 30 келіге жуық сора есірткісі болып шықты.

Қазіргі таңда тексеру амалдары жүргізілуде. Тәртіп сақшылары тұрғынның сора есірткісін өзінің ауласында не себепті өсіргенін анықтауда.

Сондай-ақ оқыңыздар

Жауап қалдыру