Сәтбаевта полицейлер 500-ден астам студентке есірткінің зияны туралы дәріс өткізді, – деп хабарлайды Polisia.kz.
Сәтбаев қаласында полиция қызметкерлері студенттерге нашақорлықтың зиянды әсерлері туралы дәріс оқыды.
Бұл іс-шара жастар арасында нашақорлық қылмыстарына қарсы профилактикалық бағдарлама аясында полиция қызметкерлерімен ұйымдастырылды. Жиынға прокуратура өкілдері мен денсаулық сақтау басқармасының мамандары да қатысты.
Іс-шараға қаладағы колледждерде оқитын 500-ден астам студенттер қатысып, дәріс тыңдады. Полиция қызметкерлері оларға есірткінің түрлері, олардың денсаулыққа келтіретін зияндары, сондай-ақ есірткі заттарын тарату мен пайдалану үшін қатаң жаза шаралары қолданылатыны туралы ақпарат берді. Студенттерге есірткінің зардаптары туралы фильмдер көрсетіліп, шынайы өмірден алынған мысалдар келтірілді. Тәртіп сақшылары бұл іс-шараның мақсаты - жастардың есірткіге қарсы білімдерін арттыру екенін атап өтті.
– Біз бұл дәріс арқылы жастарға есірткінің қауіптілігін түсіндіріп, олардың дұрыс шешім қабылдауына көмектеседі деп үміттенеміз, – деді полиция департаментінің есірткі қылмыстарына қарсы іс-қимыл басқармасының бастығы Ерлан Оспанов.
Іс-шара барысында полиция департаментінің кинология қызметкерлері үйретілген иттермен арнайы қойылым ұйымдастырып, түрлі жаттығулардан үзінді көрсетті.
Жастар жиын барысында белсенді түрде сұрақтар қойып, полиция қызметкерлерінен толық жауаптар алды.
