Семей қаласындағы Абай алаңында “Заң мен Тәртіп” атты фотокөрменің салтанатты ашылуы өтті, — деп хабарлайды Polisia.kz.
“Заң мен Тәртіп” тұжырымдамасына арналған бұл көрме қала тұрғындары мен қонақтарының назарын аударып, оларға полиция қызметін болған оқиғалар, эмоциялар мен ерліктің жарқын мысалдары арқылы көруге мүмкіндік берді.
Фотокөрмеде полиция қызметінің алуан түрлі қырларын бейнелейтін ерекше жұмыстар қойылған: қоғамдық тәртіпті сақтау, күнделікті қызмет, халықпен сенімді диалог, жедел алдын алу шараларына қатысу, сондай-ақ адам өмірі таразыға түскендегі батырлық сәттер.
Көрмедегі суреттердің бірі Талица ауылындағы орман өрті кезінде түсірілген. Полиция қызметкерлері тұрғындарды эвакуациялап жатқанда, бір әйел адам үйінен кетуден бас тартып, күйеуі мен орманда жүрген ұлын күтемін деп тұрып алған. Қою түтін арасында көз жасына малынған жанды ұзақ үгіттеуден кейін ол ақыры кетуге келіседі. Бұл фото сенім мен құтқарудың символына айналды.
Тағы бір көпшілікке әсер еткен сурет – Жарма ауданынан. Дала өрті басталғанда, полицейлер ТЖ қызметкерлерімен бірге от шебіне қаққыш пен күрекпен шыққан. Суретте шаршаған, күйе басқан жас офицер алға қарай келе жатқан бейнесі бейнеленген.
Абай облысы полиция департаменті бұл көрменің мақсаты – халыққа қызмет етудің маңыздылығын көрсету және азаматтардың тыныштығы мен қауіпсіздігі үшін қызмет ететін адамдардың жұмысына тәртіп, ерлік пен адалдық қажет екенін еске салу екенін атап өтті.
Фотокөрме ашық аспан астында өтті, бұл кез келген қалаған адамға полиция қызметінің шынайы сәттерін көріп, жауапкершілік, ерлік пен абырой рухын сезінуге мүмкіндік берді.
