ШҚО бойынша ҚАЖД қызметкерлері музейге экскурсия жасады, — деп хабарлайды Polisia.kz.
⠀
Қазақстан халқының бірлігі күнін мерекелеу қарсаңында Шығыс Қазақстан облысы бойынша ҚАЖ департаментінің қызметкерлері, оның ішінде жас мамандар да өздерінің мәдени дамуына зор үлес қосты. Олар Шығыс Қазақстан облыстық сәулет-этнографиялық музейіне барды. Бұл сапар жай ғана экскурсия емес, көпұлтты Қазақстанның тарихы мен мәдениетіне терең бойлау болды.
⠀
“Біз – Қазақстан халқы” экспозициясы қызметкерлерге өңірде тұратын түрлі этностардың бірегей салт-дәстүрлері мен әдет-ғұрыптарымен нақты танысуға мүмкіндік берді. Киімдердің, тұрмыстық заттар мен қолөнер бұйымдарының байлығы еліміздің негізінде жатқан бірліктің терең тамырларын айқын көрсетті.
⠀
Мұражайда ұсынылған көркемөнер көрмелері келушілер үшін Шығыс Қазақстан шеберлерінің талантты қолынан шыққан ғажайып әлемді ашты. Жанрлар мен орындау техникасының алуан түрлілігі қиялды таң қалдырып, жаңа шығармашылық ізденістерге шабыт берді.
⠀
ШҚО бойынша ҚАЖД тәрбие және кадрлық жұмыс бөлімінің бастығы Дастан Жапалов мұндай іс-шаралардың жеке тұлғаның өсуі мен корпоративтік мәдениетті қалыптастырудағы маңыздылығына ерекше назар аударды.
— Өз еліңнің тарихы мен мәдениетін білу, басқа этностардың құндылықтарын түсіну – үйлесімді қоғам мен ұйымшыл ұжымның маңызды құрамдас бөліктері, – деп атап өтті ол.
Мұражайға бару мәдени мұраны бағалау мен сақтаудың қаншалықты маңызды екендігінің жарқын үлгісі болды. Өйткені дәл осы мұра – халқымыздың бірлігі мен өркендеуінің берік іргетасы.
