ШҚО-да қабан атып алған ер адам ұсталды, – деп хабарлайды Polisia.kz.
Ақпан айының басында “Құқықтық тәртіп” жедел алдын алу іс-шарасы барысында ШҚО бойынша “Орман және аңшылық шаруашылығы” жедел әрекет ету жасағы КММ инспекторларымен бірлесіп Зайсан ауданының Қара Ертіс өзенінің жанында Күршім ауданы Игілік ауылының 36 жастағы тұрғыны ұсталды. Азаматтан қабан ұшасы табылды. Тексеру кезінде ер адамнан рұқсат құжаттары болмай шыққан.
Қазіргі уақытта күдіктіге қатысты келу міндеттемесі бұлтратпау шарасы қабылданды.
Аталған факті бойынша ҚР ҚК-нің 337-бабының 1-бөлігі (Заңсыз аң аулау) бойынша сотқа дейінгі тергеу басталды, оның санкциясында 3 жылға дейінгі мерзімге бас бостандығынан айыру түріндегі жаза көзделген.
