Шымкентте екі мыңға жуық темекі қорабын ұрлаған ұры ұсталды, – деп хабарлайды Polisia.kz.
26 сәуір күні Шымкент ҚПД Еңбекші ауданы ПБ-на жергілікті тұрғын қаладағы супермаркеттен екі мыңға жуық темекі қорабын белгісіз адамдардың ұрлап кеткені туралы хабарлады.
Шымкент ҚПД Еңбекші АПБ-ның учаскелік полиция инспекторлары, Патрульдік полиция полкінің жетінші рота №942 экипаждың және Жедел басқару орталығының қызметкерлері бірлесіп жүргізген жедел іздестіру іс-шарасында ұрлаған азаматтың ізіне түсіп, анықтады. Ұры полиция бөліміне жеткізілді.
Тексерудің нәтижесі бойынша аталған азаматтың іс-әрекетіне құқықтық баға беріледі.
