Шымкентте орналасқан ҚР ІІМ Ұлттық ұланының 6506 әскери бөлімінің саптық алаңында жоғары оқу орындарында тегін оқуға сертификаттар салтанатты түрде табыс етілді, – деп хабарлайды Polisia.kz.
Әскери қызмет барысында жауынгерлік дайындықта жоғары нәтиже көрсеткен 1-2024 шақырылымының 27 сарбазы білім беру гранттарының иегерлері болды.
Конкурстық негізде іріктеуге Шымкент жедел бригадасының 300-ден астам әскери қызметшісі қатысты, алайда олардың тек үздіктері ғана осы мүмкіндікке ие болды.
- Біз әскери қызметшілеріміздің жеке және кәсіби өсуіне барлық жағдай жасауға тырысамыз. Білім беру гранттарын тапсыру — бұл біздің сарбаздарымызға жоғары білікті маман болуға және елдің дамуына өз үлесін қосуға мүмкіндік беретін болашаққа салынған инвестиция, - деп атап өтті бригада командирінің орынбасары Багитжан Баламбаев.
Сертификат иеленгендердің бірі, қатардағы жауынгер Эльдар Түкбаев грант алу ол үшін маңызды кезең болғанын атап өтті.
— Бұл мүмкіндік маған жоғары білім алу арманымды жүзеге асыруға мүмкіндік береді. Осындай қолдау мен сенім үшін ризамын, - деді ол.
Гранттар беру бастамасы мерзімді қызметтегі әскери қызметшілерді қолдау жөніндегі мемлекеттік бағдарламаға кіретінін атап өткен жөн. Тапсырылған сертификаттар екі жыл бойы жарамды және ЖОО-ға төлемсіз түсуге құқық береді.
