Шымкентте үздік полицейлер марапатталды, – деп хабарлайды Polisia.kz.
Бүгін қалалық полиция департаментінде қызметтік борышын орындау барысында ерекше көзге түскен қызметкерлерді марапаттау рәсімі өтті.
Салтанатты шарада 2024 жылдың қорытындысы бойынша өз қызметтік міндеттерін абыроймен және адал орындап, жұмыста жоғары нәтижелерге қол жеткізгендерге құрмет көрсетілді.
Жиында департамент бастығы Нұрлан Алмасбековтың бұйрығы оқылып, Шымкент қаласы бойынша өткен жылдың үздік жедел уәкілі Нұрдәулет Палматов, үздік тергеуші Асхат Тәңірберген, үздік учаскелік инспектор Нұржігіт Борибеков, үздік криминалист Азамат Тұрғынбаев, үздік ювеналды полицей Берік Қанаев, үздік патрульдік полицей Сәкен Байтасов атанды.
Сонымен қатар 28 қызметкерге өңірдегі құқықтық тәртіп пен қауіпсіздікті қамтамасыз етуге қосқан үлесі үшін грамоталар табысталды.
